اليكى يا حبيبتى

شايف حيره ف كلامك
مش ده اللي عرفته فيك
حتى كلمة يا صاحبي
بتكدبها عينيك
خايف تصارحني ليه؟
قلبي خايف عليه؟
لو شايف ده ضروري
قلبي ما يغلاش عليك
------

طب كنت قول مسافر
قولي حبعد بعيد
وسبلي قلب فاكر
انك صاحبه الأكيد
يمكن من بعد غيبه
جوه الدنيا العجيبه
نتقابل من جديد
-----

عارف غلطان ف حقك
عارف جارحك صحيح
لكن كان نفسي انك
تفضل دايما صريح
احسن ما تكون لقلبي
مش جنبي وانت جنبي
وتسيب قلبي جريح
-----

معرفش ايه النهايه
معرفش ايه الطريق
اصل حقيقي الحكايه
معرفش ميت صديق
بس صديقي الحقيقي
اللي منور طريقي
من غيره بكون غريق
------