بسمة

ابتسم فهناك من يحبك
 
الرئيسيةس .و .جبحـثالتسجيلقائمة الاعضاءالمجموعاتدخول

شاطر | 
 

 البنات تحب الحاجات دى 0 صح ولا غلط

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
فارس العرب
عضو جديد
عضو جديد


عدد الرسائل : 16
تاريخ التسجيل : 03/01/2008

مُساهمةموضوع: البنات تحب الحاجات دى 0 صح ولا غلط   الأربعاء يناير 23, 2008 6:50 pm

امبارح بعد الغداء اتصلت بى صحبتى مريم وقالت لى عايزاك ضرورى قلتلها خير يارب قالت تعالى حالا حتى لو كنت فى الهند اصرف وتعالى قلتلها فى ايه قالت لما تيجى..المهم ركبت اول طيارة ووصلتلها لاقيت عندها هيصة وزحمة / قالت لى اول ماوصلت انا مش قادره استحمل الفرحة اللى انا فيها دلوقتى قلتلها ليه ورثت كام مليون دولار؟ قالت احسن من فلوس الدنيا كلها انا حددت ميعاد الفرح بتاعى انا وسمير/ قلتلها مبروك لكن انت بارده هو ده اللى انت عايزانى فيه هى الفرحة خلتك تتجننى دا انا هكهربك حالا/ قالت تعالى تعالى وراحت وخدانى وفجأة لقيت نفسى واقف قدام تلال وجبال من أدوات منزلية وأجهزة كهربائية وكل ما يخطر على عكل انسان من لزوم تجهيز شوقة الزوجية::: وقعدت اتفرج على الحاجة بتاعتها لحد مازهقت طبعا بعد ماقلتلها مبروك والذى منه الخ..... لكن يامريم انا عايز افهم حاجة انت عايزه تقنعينىان انت هتستخدمى كل الحاجات دى ولا انت عامله حساب أصحابك اللى ممكن يعيشوا معاك بعد الزواج؟؟؟ قالت يعنى ايه مش عجباك الحاجة هو انت كده ولسه هتكمل فلحقتها وقلتلها يامريم دى حاجات جميلة وتحف فنية انا بقلك انت هتستخدمى كل الحاجات دى / قالت ومين بيستخدم كل الحاجة بتاعته!!!يامريم طاب تعالى شوفىانت جايبه من كل انواع المعالق والشوك والسكاكين والاطباق وكل حاجه فى المطبخ حتى الكراسى جميع المقاسات والمقاسات دى كبير وصغير ووسط وكل حاجة ليها استخدام انت فى غنى عنه / واحنا يابنتى اصلا مش بنستخدم الحاجات دى كلها حتى مع الضيوف / ماعلينا من الحاجات العبيطه دى طيب انت جايبه ليه اجهزة كهربائية مكررة ولكن احجام مختلفة يعنى انت مثلا جايبه 3غسالات ليه 1اطفال واتنين مختلفين ..هو انت يامريم هتجيبى شغالة تخدمك قالت لالاانا ااخدم نفسى بنفسى قلت لها طيب ليه كل الاجهزة اللى انت شرياها **** ملحوظة****(2بوتوجاز_3غسالات_ 2ميكرويف_3ثلاجات -2تليفزيون-كل الكلام ده مقاسات مختلفة ) وهكذا بقى كل حاجة فى الشقة حتى السجادنفس الطريقة يامريم كل ده مش هتستخدميه وهتبقى موضة وراحت وكده كده بعد الزواج بمده اصلا هتبقى عايزه تجددى كل حاجه والقديم الله يرحمه صح قالت طبعا/السؤال المهم اللى خلانى اكتب كل الكلام الخانكه اللى فات يامريم فيها ايه لو اشتريت كل الحاجات الاساسية اللى هى ايديك ورجلك فى البيت نوع واحد ومقاس واحد ولما ربنا يرزقك بأولاد انت هتجيبى تانى اللى انت عايزاه/ يعنى فى حاجات انت اشترتيها ياماما تعتبر فلوس ضاعت منك قلتلها تعالى ورينى المطبخ بتاعكم فى ايه ورحت مطلع ليهاتقريبا كده نصفه من ادوات وحاجات مفيش ليها استخدام اساسا مجرد زينة ومظاهر لكن مكلفة جامد جدا ويامريم الحاجة كمان غالية وقفت وبصت فى السقف زى مايكون هيقع عليها _ وينهار ابيض على عملته واللى قالته انت بقيت بخيل من امتى -وانت هتجوز واحدة مغمى عليها- وربى ذقنك عشان توفر فلوس الحلاقة -المهم سيل شتايم وقالت يافارس كل الناس كده هو الواحده هتفرح كام مره شوف اى واحده واسألها واسمع هتقلك ايه- اختى واخت جوز اختى وكل اللى نعرفهم كده لما ببيتجوزوا بيجيبوا كل حاجه والحاجه غاليه هنعمل ايه-قلت لها انت اولا عارفه ان انا مش بخيل اسمعى تعالى لما احسبلك كل الكلام دا بكام قالت من غير ماتحسب دا اشترناه بالمبلغ الفلانى قلتلها يامفترية دا خبطة مش مهم (مبروك) تعالى احسبلك ايه اللى هتستخدميه وايه اللى انت جايباه منظر- ديكور- عارفين ياحبايبى طلع ان ثلثين المبلغ اللى دفعته طار فى الهوا زى الدخان بلاش الثلثين خلوه نصف المبلغ !!!!!!!! استغربت جدا !!!!!!!!! وافتكرت وانا واقف معاها ان مطبخنا كده وناس كتير اعرفها كده ومفيش 5دقائق لقتها بتقلى كل الناس كه قلتلها احنا ناس مغفلين-الدنيا غاليه نار واحنا برده مفيش فايده فينا المهم النفاق الاجتماعى -شوفى فلانه جابت ايه وعلان اشترى منين وام فلان راحت فين وابو علان ادفن فين_ وبنقلد بعض فى الحاجة الخايبه وخلاص (معظمنا) هى دى القاعدة العامة ردت على وقالت انت عايز تعمل ليك ديانه لوحدك قلتلك يافارس هى الناس كلها كدهوكل البنات كده وعامة اسأ ل اى واحدة وقلها لما تيجى تجهزى شقتك للجواز ومعاك فلوس هتشترى ايه؟ قلتلها يامريم لو واحدة عاقلة وذكية هتشترى الحاجات الاساسية -مريم قالت لى وحياتك كل حاجه وهتبقى عارفه ان فى حاجات زى ماانت بتقول مش هتستخدمها بس هتشتريها برده عشان يبقى عندها فى شقتها كل حاجة قلتلها يامريم انا ابقى عبيط لو صدقت كلامك -واتصلت بعد شوية بسمير(مبروك) انا عند مريم تعالىيأبو سمرة قالى شفت الحاجة قلتله تحفةممتازة بس كل ده ليه دا انابقول لمريم ان ممكن تستغنوا عن تلتين الحاجة دى انت رأيك يأبو سمرة ياسكرة -قالى ياعم هو معظم الحريم كده مخهم على قدهم ضارب شوية وبعدين الحريم بتحب الكلام الفارغ ده-قلتله ياسيدنا مالكلام الفارغ بفلوس انت أولى بيها -طيب خلى الفلوس دى للزمن-ولاقلاك شغلها واخسرها اقلك اتجوز بها تانى---- لالالاانا عارف ياسمير انتوا بتحبوا بعض اد ايه وبعدين مفيش حد قال تشتروا ايه يعنى الموضوع بينك وبنها يعنى قللوا شوية فى الحاجة مش لازم كل حاجة واكتر من نوع ومقاس _-- سمير بيقلى انا قلتلها بس تقول لمين انت عارف البنات بتحب الحاجات دى اد عنيها وبيفرحوا بيها ازاى قلت له ابقى انت بس فرحها ب كلمتين حلوين بعد الجواز ومتقلش ليها انت عايشة لسه؟ هو يعنى الفرحة فى شوية الرفاهيات- حبايبى اصدقائى اعزائى كل الكلام اللى فات انسوه اه انسوه ولا كأنه مكتوب اهو اى كلام .. الكلام المهم وركزوا فى السوال اللى انا سألته لنفسى -يافارس لما تيجى انت وعروستك(طبعا دلوقتى اللعبة) فى المستقبل عروستك الحقيقية هتشتروا كل حاجة زى مريم وسمير هى تفرح وانت تطنش وتقول هما الحريم كده ولا هتقف لها بالمرصاد لو هى عايزه تشترى حاجات ماانزل الله بها من سلطان --ولو هى بتحبك تسمع كلامك -طيب ممكن تكون بتحبنى بس عايزه تقلد كل اللى تعرفهم وتفرح هو ده يافارس مش عرف وتقاليد مجتمع ---بس دا تبقى غبية هو انت يافارس هتجوز واحة غبية؟ ممكن حد يقلى انت مصدع دماغك وشاغلنا معاك ليه بالحوار الله اعلم بالمستقبل 000 ارد عليه واقله ابسط حاجه يأخى مانت كده كده هييجى يوم عليك وتجوز متعرف راسك من رجليك دلوقتى وبصراحة انا محتار واول مره اعرف الموضوع دا اساسا وافكر فيه وسمعت من واحد صاحبى ان الكلام دا ممكن يسبب مشاكل بين اهل العريس والعروسة لو سمحت الى كل السادة الاعضاء النشيطة بالمنتدى حد يرد على ويقوللى هو انا صح ولا غلط وليه؟؟؟؟؟؟؟؟ اسف طولت عليكم ياجماعة00
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فارس العرب
عضو جديد
عضو جديد


عدد الرسائل : 16
تاريخ التسجيل : 03/01/2008

مُساهمةموضوع: رد: البنات تحب الحاجات دى 0 صح ولا غلط   الأربعاء يناير 23, 2008 6:57 pm

ياجماعة والله انا كتب الموضوع بخط كبير مش عارف صغر ازاى انتوا عند كم عفريت فى المنتدى لازم تصرفوه00
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فلفله
مراقبه على قسم الترفيه
مراقبه على قسم الترفيه


عدد الرسائل : 4392
العمر : 33
تاريخ التسجيل : 13/05/2007

مُساهمةموضوع: رد: البنات تحب الحاجات دى 0 صح ولا غلط   الأحد فبراير 17, 2008 12:21 am


ههههههههههههههههههه

بجد عيني وجعتني ومعرفتش اقراء الا 3 الاسطر الاولى بجد صعب القراء فيه
بس تسلم على الموضوع
ياباشه


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فارس العرب
عضو جديد
عضو جديد


عدد الرسائل : 16
تاريخ التسجيل : 03/01/2008

مُساهمةموضوع: رد: البنات تحب الحاجات دى 0 صح ولا غلط   الأحد فبراير 17, 2008 2:18 pm

شكرا على ردك يا فله . لكن أنا كتبته بخط كبير وواضح ومش عارف هو صغر ازاى؟؟؟ ومع اننى الذى كتبته فاأنا ايضا لا أستطيع قرأته!! فى مشكلة فى تكبير الخط عند كتابة رسالة سريعة....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
البنات تحب الحاجات دى 0 صح ولا غلط
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بسمة :: 
قسم المرأة
 :: الأثاث والديكور
-
انتقل الى: