السعاده كيف نصل إليها

السعادة... كيف نصل إليها

على فكرة يا جماعه ربنا خلق الإنسان وهو بس اللى يعرف إ زاى يسعدة المهم ربنا خلق الإنسان ناقص اقصد إنه محتاج لحاجة معينة تخليه سعيد فى الدنيا ديه والدليل على كدة إنك لو كنت غنى مش حتبقى محتاج لأى حاجه احسن أكل واحسن شرب وكل اللى تطلبه بيجيلك صدقنى عمرك ما حتحس بالسعادة لأنك بسرعه حتزهق من كل النعم ديه مهما كانت وحفكرك لو كان عندك كمبيوتر شوف أول أسبوع كنت بتعد عليه أد إيه وفرحان بيه أوى وشوف نفسك دلوقتى إن كنت بتفتحه فى الأسبوع مرة واحدة ولا لأ.

المهم اللى عايز اوصله إن مش النعم الكتيرة اللى إنت عايزها هى اللى حتققلك السعادة. حاجه واحده بس هى اللى ممكن حتققلك السعادة.

الحاجة دى هى الإنجاز وعشان تنجز حاجة يبقى لازم الحاجة دى كانت هدف ليك أصلا وإنت اساسا إخترت الهدف عشان هدف اعلى والهدف الأعلى ده باه هو اللى فاصل فى الموضوع ده.

حندى مثال عشان نوضح الكلام ده:

الشخص: طالب ثانوية عامة.

الإنجاز الذى يمكن تحقيقه(الهدف): الحصول على مجموع عالى جدا عشان يدخل كليه الطب مثلا.

الهدف الأعلى:عشان يكون دكتور كويس ومشهور ويعيش كويس معاه فلوس كتيرويتجوز اللى يتمناهاوو...

التعليق:

طبعا إنتو ملاحظين إنه موصلش للسعادة الحقيقية وإن كان فرح شوية بالنتيجة لإنه بعد ميوصل للى عايزة برده حيحس بحاجة نقصاه وده اللى قلته فى الأول.

والهدف الأعلى فى المثال اللى فات العلماء بيسموه هدف قصير منقطع لأن طبعا السعادة فى الحاله دى حتنتهى لو فقد الحاجات اللى هو عايزها وإن مفقدهاش وإستمرت معاه فى الدنيا حيفقدها لما يموت ومش حتستمر معاة فى الآخرة.

عشان كدة أى هدف اوغاية الإنسان لازم يحطها أدامه هى حاجه واحده بس وهى إرضاء الله سبحانه وتعالى لأنك لو أرضيته حيرضيك بالدنيا وإن كان حالك فيها المادى اسوأحالوناهيك بأه عن الاحاديث والآيات اللى بتتكلم فى المواضيع ديه .

ومش ده المهم الحاجه الاهم إنه حيرضيك فى الاخرة وحيدخلك الجنه اصل يا جماعه إحنا عندنا مشكله خطيرة وهى إن إحنا بنبص أدام رجلينا بس منبصش للمستقبل الحقيقى لكل واحد م الأخر المستقبل الحقيقى ده هو إما جنه وإما نار.

انا مستنى ردودكم dr m atwa

موضوع جميل

يا عريس الدوله

شكراً لك ومنتظرين اقادم منك

مكشور يا عريس على الموضوع الحلو ده