سمعنا كتير وقليل
انا حلت والله كويس ودى مش درجتى .......!!!!!!! 
انا حلت كويس لكن اتظلمت فى التصحيح...!!!!!!! 
ومن ده كتير ....
لكن ياجماعه انا من يومين شوفت فى برنامج البيت بيتك قصه لو كان حد حكاها ليه يمكن كنت كذبتها لانى عمرى ما تخيلت ان الامر ممكن يوصل للدرجه دى من قلة الضمير والتلاعب بمستقبل ومجهود وتعب الطلبه اللى عايشين سنتين فى تواصل من الارهاق وتعب الاعصاب دى غير طبعا الارهاق المادى للاسره
الموضوع ان طالب كان بيجهز نفسه انه من اوائل الجمهوريه السنه دى وجايب فى كل المواد حتى اللى مش بتدخل فى المجموع الدرجه النهائيه لكن شئوفوا الصدفه الغريبه ياجماعه
الطالب ده لقى نفسه راسب فى الفيزياء ومش بس كده ده جايب فيها 15 من 50 .
طبعا كان شئ صعب فالطالب والاسره قالوا يمكن غلطه فى التجميع او اى حاجه من دى ما كلنا بنغلط المهم نصلح الغلط .
المهم الاب بسرعه طلب اعادة تصحيح الماده دى وكالمعتاد عند الكشف على الورقه بيشوف الطالب ورقه الاجابه علشان يقول انها ورقته ولا لاء
وهنا كانت المفاجأه ...؟؟؟؟!!!!!!!
الورقه ياساده بتاعته فى اول سؤال ونص وواخد عليهم الدرجه كامله الى هما 15 اللى طلع بيهم
لكن بعد كده الورقه مقطوعه ومدبس فيها ورق اجابه مش ليه اصلا والخط واضح الاختلاف
حتى من غباء اللى عمل كده مكرر السؤال اللى بدأ بيه الطالب وكان السؤال السادس واللى اخد فيه الدرجه النهائيه وواخد فى الاسئله الملفقه ليه كلها صفر مفيش اجابه يعنى .
طبعا الموقف واضح ومش محتاج المشكله ان فيه حالات تانيه مشاكلها مشابه او مختلفه كلها مصدرها واحد وهو ...........
ان انعدم الضمير
الفساد ده واحد لوحده اعتقد مش هيقدر يعمله الفساد ده وراه مجموعه اتأمروا على حلم وطموح واحتهاد طالب لسه مش عارف غير الورق والقلم وعايز يحقق عن طريقهم حلمه . لكن هما قالوا لاء مش من حقك الحلم وسرقوا كل حلم وللاسف الفساد جه من المفروض نتعلم منه ........؟؟؟؟؟!!!!!!! !
اسفه ان كنت طولت لكن الموضوع استفزنى جدا وحسيت انى انا اللى انغدر بيه مش الطالب بس
لان اللى حصل ده فوق اى تصور للفساد ممكن الانسان يتصوره او يتحمله
وتقبلوا تحياتى
موضوع: معقول وصل الامر لكده .....؟؟؟؟؟؟!!!! 
