عدى النهار ....والمغربية جاية
تتخفى ورا ضهر الشمس
وعشان نتوه فى السكة
شالت من ليالينا القمر
وبلدنا ع الترعة بتغسل شعرها
جانا نهار مقدرش يدفع مهرها
يا هل ترى اليل الحزين
ابو النجوم الدبلانين
ابو الغناوى المجروحين
يقدر ينسّيها الصباح
ابو شمس بترش الحنين ؟!!
ابدا...بلدنا ليل نهار
بتحب موّال النهار
لما يعدّى فى الدروب
ويغنى قدام كل دار
والليل يلف ورا السواقى
زى ما يلف الزمان ..وعلى النغم
تحلم بلدنا بالسنابل والكيزان
تحلم ببكرة واللى حيجيبه معاه
تنده عليه فى الضلمة وبتسمع نداه
تصحى له من قبل الادان
تروح تقابله فى الغيطان
فى المصانع..والمعامل..والمدارس..والساحات
طالعة له صحبة...جنود
طالعة له رجال..اطفال..بنات
كل الدروب واخدة بلدنا للنهار
واحنا بلدناليل نهار
بتحب موّال النهار
لمل يعدى فى الدروب
ويغنى قدام كل دار.
موضوع: قصيدة لا تنسى 
